Эссе

Менин методикалык табынтыларым.

       Эре Чуй. Тун. Эбиреде тымык ла карануй. Тенери jаар коргондо- мун jылдыстар чагылат.

     Тенериде чагылган, мун jылдыс ортодо- эн ле jаркынду jылдыс куйет. Jаркындаган jылдыстар ол ло бойы эҥ jаан jажыт, эҥ бийик кайкал болот. Орчылан тубинен jаркынду чалыган jылдыска- уредучини тунейлеерге jараар.

     Уредучи-улу ла оморкодулу сос . Мениҥ  jӱрӱмдик  jолым-ӱредӱчи болоры. Балдарды таскадып, чындык ла тӧп  jӱректӱ, санаа-укаалу кижи эдип салары тегиндӱ эмес, jаан ла каруулу иш. Уредучи-ол билгири бийик, ченемели  jаан,ачык  jӱректӱ, шӱӱлтези тереҥ ле  jайалталу кижи.   Уредучинин ижи — ол эн ле озо ижине берилген ару сууш,уредучинин jурегинде сууш чагылбаза, косторине суркурап от куйбезе, иштеген ижин jеринен jылбас. Талдап алган ижинде келер уйеге jол ачатаны, кокси терен, торолчи кижи таскадатаны, ол- бугунги кунде менен камаанду. Онын учун бу иште уредуни jарандыратан эп-аргаларды табатан, кунун сайын улалып турар, бир де кунге токтобос бедрениш.

     Jе кандый да jакшы уредунин эп-аргалары болзо, уредучи урокторды кууни jок откурзе, балдардын jилбузин «ойгоспозо», олор тилле jилбиркебес, уренерге куунзебес.

  Онын учун уредучи бойы торол тилин сууп, куунзеп, балдардын санааларын теренжидип, бойынын ижине билгиринле jилбиркедип уретсен, урокторды бийик кеминде откурзен, балдар тилине тартылып, куунзеп, оморкоп, торолчи куунду ле jурумде ичкери алтамду кижи болуп таскаар .

    Мен бойымнын ижимде jаантайын ла бедрениште.Урокторымда jаны технологиялардан алынган эп-аргаларды тузаланадым. Бу эп-аргалар ажыра алтай тилле балдардын билгирлерин теренжидедим.

    « Ырыс- дегени не болотон?

   Энирде чыккан jылдыстан сурадым…..»- деп, jарлу алтай бичиичи Л.В. Кокышев улгеринде бичиген эди. Бу суракты мен бойымнан коп катап сурагам, jе чокым кару таппагам. Байла, кажы ла кижи бу суракка башка каруу берер. Бугунги кунде мен мындый каруу jандырар эдим. Ырыс- дегени, ол менин сууген ижим, уредип турган балдарымнын келер ойдо ло тургуза ойдо jедимдери.

    Jаш ÿйени канайда таскадып, уредип аларыс – келер ойистин турултазы андый ла болор деп сананадым.